Prif Swyddog Gweithredol Ymddiriedolaeth FAW Neil Ward

Prif bennawd Adroddiad 2019 yw bod nifer y benywod cofrestredig wedi cyrraedd 8,245 o chwaraewyr, gan sicrhau ein bod ni ar y llwybr i gyflawni ein dau nod uchelgeisiol dwy lefel ar gyfer gêm y merched a’r genethod:-

• 1) Pêl-droed i ddod yn gamp dîm rhif un ar gyfer menywod erbyn 2020; a

  2) Cyfranogiad benywaidd i gynyddu i 20,000 o chwaraewyr cofrestredig erbyn 2024.

  Mae amrywiaeth a chynhwysiant yn parhau i fod yn elfen allweddol o’n gwaith ni ac mae cynnydd o’r fath yn helpu i dynnu sylw at lwyddiant presennol a’r potensial ar gyfer y dyfodol. 

• Yn 2019, symudwyd gennym i flwyddyn derfynol Strategaeth ‘Mwy Na Gêm’ FAW ar gyfer pêl-droed Cymru ac rydym wedi dechrau gweithio ar ddatblygu cynllun corfforaethol ar gyfer y degawd nesaf. Penodwyd aelodau newydd i’r bwrdd ac maent wedi ymrwymo i wella cydraddoldeb y rhywiau o ran aelodaeth bwrdd o 20% i ddim llai na 40% wrth i aelodaeth y bwrdd barhau i newid.

• Un ffocws allweddol yw gwella cyfleusterau pêl-droed felly aethom ati i greu Gweithgor Strategol ar gyfer Cyfleusterau Clwb a Chymunedol sydd wedi gwella buddsoddiad a gwaith yr FAW ac Ymddiriedolaeth FAW ar y cyd. Rydym yn gweithio gydag awdurdodau lleol i ddatblygu modelau cyfleusterau gweithredu newydd ar gyfer clybiau a £300,000 gan Chwaraeon Cymru ar gyfer prosiectau cyfleusterau clybiau a chymunedau.

• Cafwyd hwb i gyfranogiad pêl-droed merched ar ôl datblygu ‘Huddle’, menter newydd yn darparu sesiynau pêl-droed i ferched yn unig, ar gyfer y gr?p oedran 5 i 12 oed. Roedd cyfranogiad y merched yn uwch nag erioed yn 2019 gyda chofrestriadau clwb wedi cyrraedd 8,245, gan sicrhau ein bod ar y llwybr i gyrraedd ein targed strategol ar gyfer 2020 o fod y gamp dîm fwyaf i ferched yng Nghymru. 

• Bydd dull a phwyslais o’r newydd fel rhan o’n gwaith mewn ysgolion a’r sector addysg ehangach y flwyddyn nesaf, yn dilyn adolygiad annibynnol o bêl-droed mewn addysg. Mae Cynllun Gweithredu wedi cael ei greu i gyflawni argymhellion adroddiad yr adolygiad. Mae’r blaenoriaethau’n cynnwys gwella’r ddarpariaeth i ferched mewn ysgolion uwchradd, gwella hyfforddiant athrawon a dyfarniad Arweinwyr Pêl-droed newydd ar gyfer myfyrwyr 14 i 16 oed, i gefnogi darpariaeth bêl-droed sy’n cael ei harwain gan ieuenctid.

• Mae datblygiad Parc Colliers yr FAW, canolfan hyfforddi a datblygu ranbarthol newydd gwerth +£5M ger Wrecsam, yn gyfle arwyddocaol i ddarparu gwell cefnogaeth i chwaraewyr a hyfforddwyr yng Ngogledd Cymru. Cafodd y cyfleuster ei agor yn swyddogol ym mis Medi 2019 a bydd yn cefnogi datblygiad hwb pêl-droed i ferched gyda’r llwybr llawn o gyfleoedd cymryd rhan o lefel iau i lefel h?n, ynghyd â chynnydd i sgwadiau perfformio ar gyfer y chwaraewyr mwyaf talentog. 

• Rwyf yn gobeithio eich bod yn rhannu fy malchder yn ein cyflawniadau yn ystod 2019, sydd wedi’u nodi isod. Edrychwn ymlaen at y flwyddyn sydd i ddod gydag ymrwymiad cyson a rheolaidd i gyflawni ein blaenoriaethau a’n nodau ac i sicrhau bod pawb, heb ystyried gallu, anabledd neu amgylchiadau cymdeithasol, yn cael cyfle i chwarae’r gêm mewn amgylchedd diogel, hwyliog a phleserus ac y gall y rhai gyda’r sgiliau a’r uchelgais gyflawni eu potensial.     

Mwynhewch yr Adroddiad!

EFFAITH AR GYFRANOGIAD

Mae ein rhaglen Pêl-droed Hwyliog McDonald's yn rhoi eu profiadau cyntaf o bêl-droed trefnus i blant 5 i 11 oed. Mae ein 22 o ddarparwyr, ar hyd a lled Cymru, yn rhoi amgylchedd diogel a chyffrous i’r plant fwynhau eu cic drefnus gyntaf. 

EFFAITH AR BÊL-DROED MERCHED

Mae ein rhaglen Huddle yn gyfle cyntaf i ferched 5 i 11 oed syrthio mewn cariad â phêl-droed. Mae ein 23 o ddarparwyr, ar hyd a lled Cymru, yn rhoi amgylchedd pleserus i ferched gael hwyl, gwneud ffrindiau a chwarae pêl-droed fel rhan o raglen 12 wythnos gyffrous, sy’n eu paratoi ar gyfer cynnydd, os ydynt yn dymuno.        

EFFAITH AR DALENT NEWYDD

Yn 2018/19, cwblhaodd Carrie Jones ei siwrnai ryfeddol o bêl-droed ar lawr gwlad i dîm h?n Cymru cyn ei phen-blwydd yn 16 oed. Priodolodd ei datblygiad hynod gyflym i’w hyfforddwyr ac mae’n ymweld yn rheolaidd â’i hen glybiau ac ysgolion.               

EFFAITH AR WIRFODDOLWYR

Dewch i gyfarfod Ayah Abduldaim, merch ifanc 19 oed nodedig o Gymru sy’n annog merched o gymunedau Duon, Asiaidd a Lleiafrifoedd Ethnig (DALlE) i chwarae pêl-droed. Ayah sy’n gyfrifol bod merched 14 i 16 oed yn chwarae pêl-droed yn rheolaidd yng nghymunedau mwyaf anodd eu cyrraedd Caerdydd.

EFFAITH AR BÊL-DROED I BAWB

Mae Cics Cymru yn rhaglen a sefydlwyd mewn partneriaeth â’r Uwch Gynghrair a Llywodraeth Cymru a’r nod yw cael ieuenctid newydd i syrthio mewn cariad â phêl-droed, gan gynnwys merched a’r rhai difreintiedig ac o gefndiroedd DALlE.        

EFFAITH AR BÊL-DROED ANABLEDD

Pan oedd diffyg pêl-droed anabledd yng Ngorllewin Cymru yn broblem, cydweithredu oedd yr ateb. Gan weithio gyda Chlwb Pêl-droed Iau Rhydaman, Cyngor Sir Gâr, Ymddiriedolaeth Gymunedol Dinas Abertawe a Chwaraeon Cymru, aethom ati i greu tîm newydd ffyniannus gydag uchelgais i dyfu.

EFFAITH AR GYFLEUSTERAU

Pan dyfodd Cynghrair Mini Caerfyrddin i 126 o dimau, roedd angen lle newydd i chwarae. Diolch i gefnogaeth Clwb Pêl-droed Tref Caerfyrddin ac Ysgol Maes y Gwendraeth, mae timau newydd y gynghrair yn chwarae ar arwynebau 3G yn awr, bob dydd Sadwrn.

EFFAITH AR HYFFORDDIANT CYNHWYSOL

Yn 2019, cafodd ein rhaglen Tystysgrif C ei theilwra i helpu dioddefwr dyspracsia, Morgan Basham, i gwblhau’r cwrs a pharhau ar ei siwrnai hyfforddi. Er gwaethaf cyfyngiadau ei gyflwr, cwblhaodd Morgan yr oriau cyswllt angenrheidiol ac mae’n hyfforddi’n rheolaidd yn awr mewn dau glwb.

PRIF NODAU (TARGEDAU 2024)

CYNNYDD (FFIGURAU PRESENNOL)